युथ कर्नर क्लबया बुदिंया लसताय् चेस कासा न्ह्यात
लहनान्युज | सिल्लाथ्व अष्टमि ११३८ (जनवरी २५ २०१८
![](https://www.lahananews.com/sites/default/files/image-0-02-03-839c7d5e5f2d0d1083b0c8c1bfdf4f23a585afdd9367173daf54720a0f7cd683-V.jpg)
युथ कर्नर क्लबया ४२ क्वःगु बुदिंया लसताय् नेपाल बुद्धिचाल संघया सहकार्यय् खुल्ला बुद्धिचाल प्रतियोगिता २०७४ थः निसें न्ह्याःगु दु ।
उगु ज्याझ्वलय् येँ महानगरपालिका वडा न. २१ या वडा अध्यक्ष उदयचुदमणि बज्राचार्य व वडा न. १२ या वडा अध्यक्ष बिकास डगोलं चेस म्हिताः उलेज्या यानादिगु खः ।
येँया तःबहालय् जुगु थुगु ज्याझ्वलय् ७८ म्ह कासामि पिन्सं ब्बति काःगु दु ।
थुगु कासाय् न्हाप १५,००० तका, ल्यु ७,००० तका, ल्युयाल्यु ५,००० तका न हःपा १,००० तका सिरपा तया तागु खः । अथेहे कासाय् ब्बति कापि ब्बमि मध्यय् दकलय् बांलाम्ह कासामियात १,५०० तक सिरपाया न ब्यवस्था दु ।
थुगु कासा माघ ११ निसें १३ गते तक न्ह्याइगु खः ।
किपा केदारमान स्थापित