यल मनपाया कार्ययोजना बिषय पत्रकार सम्मेलन
नृपेन्द्रलाल श्रेष्ठ | कछलागा दुतिया ११३८ (नोभेम्वर २५ २०१८)
यल महानगरपालिकाया मेयर चिरिबाबु महर्जनं थौ छगु पत्रकार सम्मेलन याना थःगु बिदेश भ्रमण व आतक ज्या यानागु नाप भविष्य यायेगु कार्ययोजना बिषय खँय् जानकारी बियादीगु दु ।
मेयर महर्जनं थःम्हेसिया यानागु बिदेश भ्रमण महानगरपालिकायात गुकथ न आर्थिक भार मलाइ कथं यानागु खँ न न्ह्यथनादीगु खः ।
अथेहे मेयर महर्जनं मोहनि बलय् ७६ दँ दुपिं जेष्ठ नागरिकयात न्याद्धः तका बिइगु ब्यवस्था यानागु, शताब्दीपुरुष सत्यमोहन जोशीयात सवारी, सुरक्षा व मोवाइलया सुविधा बियागु, यलयात ३५ औ हस्तनगरी नगरया घोषणा यायेत तालागु नाप स्मार्ट स्ट्रिट लाइटया याकन हे जुइ त्यःगु दु धकाः थौं या पत्रकार सम्मेलन पाखं जानकारी बियादीगु खः ।