यलय् साहित्यिक ज्याझ्वलय् स्वम्हेस्या ब्बन बाखं
लहनान्युज | तछलागा षष्ठी ११३९ (जुन २३ २०१९)
![](https://www.lahananews.com/sites/default/files/ba_0.jpg)
सः छगू फरक अभिव्यक्तिया ग्वसालय् यलय् छगु चिबाखं साहित्यिक मुँज्या जूगु दु ।
उगु चिबाखं साहित्यिक मुँज्या ज्याझ्वलय् शरद कसाः, श्याम आशा कायस्थ, निजिरोस श्रेष्ठ स्वम्हस्या न्यापु न्यापु चिबाखं ब्वनाः न्यंकादीगु खः ।
अथेहे उगु ज्याझ्वलय् डा. पुष्प राज राजकर्णिकारं थःगु नुगःखँ तयेगु झ्वलय् बाखं च्वमि शरद कसाःया बाखं न्ह्यब्वयेगु इलय् कलाकारिता नं खने दु धका धयादिसे श्याम आशाया बाखनय् धायेय् माःगु थःगु सकतां खँ चीहाकलं न्ह्यैपुक्क न्ह्यब्व दु धयादिसे निजिरोस बाखं च्वयेगु ब्यागलं पहः दुगु खँ कनादिगु खः ।
सुनिल बज्राचार्यं न्ह्याकादीगु उगु ज्याझ्वलय् नरेश अमात्यं लसकुुस यानादीगु खःसा सुधिर ख्वविं स्वम्ह बाखं च्वमिपिन्त मतिनाया चिं लःल्हानादीगु खः ।
बुँखः नेवाः सुचना केन्द्र किपाः राजेन्द्र रंजित