यलय् निक्वःगु मेयर कप टेबुलटेनिस कासा जुइगु
नृपेन्द्रलाल श्रेष्ठ | कछलाथ्व अष्टमी ११४० (नोभेम्वर ५ २०१९)
![](https://www.lahananews.com/sites/default/files/16.jpg)
यल महानगरपालिका १६ वडाया ग्वसालय् थ्व हे वइगु २३ गते निसे छवाः यकं निक्वःगु मेयर कप टेबुलटेनिस कासा जुइ त्यःगु दु ।
थौं छगु पत्रकार सम्मेलन यासे यल महानगरपालिका वडा नम्बर १६ अध्यक्ष निर्मलरत्न शाक्यं थीथी १२ गु इभेन्टया टेबुलटेनिस कासाया जुइगु जानकारी बियादिगु खः ।
उगु कासाय् मिसा, मिजं, ल्याय्म्ह नाप भेटारान्सपिं मिसा व मिजया सिगल व डवलया कासा जुइत्यःगु खः ।
थुगु कासा थ्व हे वइगु कात्तिक २३ गत निसे सनिलया ५ बजे निसे बहनिया १० बजे तक नागबहालय् यायेग् ग्वसाः दुगु धका जानकारी बियादिगु खः ।
उगु कासाय् एकल इभेन्टय् न्हापयात झीद्धः, ल्युयात न्या द्धः व ल्युयाल्युयात स्वद्धः नगद सिरपा नाप ट्रफि लःल्हाइगु दु ।
ग्वसाः खलः वडा नम्बर १६ या वडा अध्यक्ष शाक्यं थुगु कासापाखे अन्तर्राष्ट्रिय पदक त्याकेफुम्ह कासामि उत्पादक यायेगु लागि ग्वाहालि जुइगु बिश्वास प्वकादिल ।