म्येहालामि सुनिल बर्देवा मन्त
लहना न्यूज सम्वाददाता | ञलाथ्व द्वादशि, ११३६ मंगलबाः (सेप्टेम्बर १३ २०१६)
नांजाःम्ह पप म्येहालामि सुनिल बर्देवा थौं बहनी मन्त ।
मदुम्ह बर्देवाया छुं दिं न्ह्यःनिसें उसाँय् अवस्था स्यनाच्वंगु खः । उसाँय् आपाः हे स्यंगुलिं थौं न्हिनय् वयकःयात थौं न्हिनय् शिक्षण अस्पताल महाराजगंज यंकूगु खः
शिक्षण अस्पतालय् हे वासः यायेगु झ्वलय् वयकः मदुगु खः । वयकः थौं बहनी ८ः४५ताः पाखे मदुगु धाःगु दु ।
म्येहालामि बर्देवायात उसाँय् सम्बन्धि छु समस्या दुगु खः व धाःसा सीमदुनि ।
मदुम्ह बर्देवाया ‘गोरेटो अनि उस्तै छ गल्ली’, ‘जब म निन्द्रामा सपनी तिम्रो देख्छु’ लिसेंया म्येत लोकं व्हाः ।
Categorized in मनोरन्जन
