मोहनि स्वन्तिइ स्वनिगः दुहा वयेगु नाका बन्द यायेत सरकारयात सुझाव
लहानान्युज | अनलागा ११ ११४०,असोज २७ मंगलवाः
![](https://www.lahananews.com/sites/default/files/ji_8.jpg)
मोहनि स्वन्तिया इलय् स्वनिगः दुहा वयेगु नाका बन्द यायेत सरकारयात संसदीय उपसमितिं सुझाव बिःगु दु।
प्रतिनिधि सभाया शिक्षा तथा स्वास्थ्य समिति अन्तर्गतया ‘कोभिड १९ नियन्त्रणय् सरकारं याइगु ज्याया अनुगमन उपसमिति’ नं स्वनिगलय् दुहा वयेगु नाका सिल मयासा कोरोना भाइरस (कोभिड–१९) या महामारी थप भयावह जुइगु चेतावनी बिःगु दु।
सोमवाः शिक्षा तथा स्वास्थ्य समितिया बैठकय् उपसमितिं याःगु अध्ययन व अनुगमनया निष्कर्ष व सुझाव न्यकादिसे संयोजक जीवनराम श्रेष्ठं अथे धयादिगु खः।
संयोजक सांसद श्रेष्ठं ‘स्वनिगः हटस्पट जुइ धुकुगु दु। थुकिया नियन्त्रण यायेत आः स्वनिगलय् संक्रमित पिहा मवनेगु ध्यान बिइमाः। स्वनिगलय् पिहा वनेगु इलय पिन जिल्लाय् भयावह जुइफु उकि मोहनि स्वन्तिया दथुइ स्वनिगःया बोर्डर सिल यायेमा धका धयादिगु दु। स्वनिगलय् दुहा वनेगु व पिहावनेगु बन्द यायेत सुझाव बिःगु दु।’
संयोजक श्रेष्ठं स्वनिगः पिने कोरोना महामारीपाखे बचे जुइगुसतर्कता अपने मयागु व अप्वो हेलचेक्र्याईं याःगु दु धका धयादिगुु दु।
वयकलं स्वनिगः पिने कोभिड प्रभाव मजुगु थे खनेदुुगु दु। ज्या जुया च्वंगु दु। सरकारी कार्यालयय् भीड उलि हे दु। थ्व कदम गम्भीर विषय खः धका श्रेष्ठं धयालिसे, ‘१० प्रतिशत मनू तयेस जक मास्क छ्यलिगु याः धका धयादिगु खः खः।’
संयोजक श्रेष्ठं संघीय सरकारं लक्षण खनमदुपिन्त पीसीआर परीक्षण मयागुलि प्रदेश व स्थानीय तह दथुइ असमझदारी खनेदुगु खः धका धयादिगु खः।
Categorized in राष्ट्रिय