मुम्बई न बैंगलोरयात न्याःगु विकेटं त्याकल
लहानान्युज | कौलाथ्व त्रयोदशी ११४०,कार्तिक १३ बिहीवाः
![](https://www.lahananews.com/sites/default/files/Mumbai-Indians_1.jpg)
इन्डियन प्रिमियर लिग (आईपीएल) क्रिकेट अन्तर्गत म्हिगः चान्ह्य जूगु कासाय् मुम्बई इन्डियन्सं रोयल च्यालेन्जर्स बैंगलोरयात न्याःगु विकेटं त्याकूगु दु।
अबुधाबीइ जूगु कासाय् मुम्बईयात बैंगलोरं बिःगु १६५ रनया लक्ष्य न्ह्यब्बःगु खः। उगु लक्ष्य मुम्बई न १९ ओभर १ बलय् न्याःगु विकेट पूरा याःगु खः।
थुगु कासा लिपा मुम्बई १६ अंक हया लिपागु प्यंगु थासय् थ्यःगु दु।
टस त्याका न्हापा ब्याटिङ याःगु बैंगलोरं निर्धारित २० ओभरय् ६ विकेट गुमे यासे १६४ रन दयेकूगु खः। देवदूत पाडिक्कलं ४५ बलय् ७४ रन, जोश फिलिपं ३३ रन, विराट कोहली ९ रन,
एबिडिभिलियर्स १५ रन, गुरकिरातमान सिंह १४ व वाशिङ्टन सुन्दर १० रन नटआउट जुगु खः।
बलिङपाखे जसप्रित बुम्राह न स्वगू ३ विकेट काःगु खः।
१६५ रनया लक्ष्य ज्वना मुम्बईया क्विन्टन डिकक व इशान किसनं न्हापागु विकेटया लागि ३७ रन साझेदारी याःगु खः। डिकक १९ बलय् १८ रन दयेका आउट जूगु खः।
वया लिपा सूर्यकुमार यादवं नटआउट ७९ रन दय्का म्यान अफ द म्याच जुगु खः। इशान किसनं २५ व हार्दिक पान्ड्यां १७ रन दय्कूगु खः।
बलिङय् मोहम्मद सिराज व युजवेन्द्र चहलं निगु निगु विकेट व क्रिस मोरिस छगू विकेट काःगु खः।
Categorized in कासा