मुम्बई न कोलकातायात ८ विकेट त्याकल
लहानान्युज | कौलाथ्व पारु ११४०,कार्तिक १ आइतवाः
![](https://www.lahananews.com/sites/default/files/mi_1.jpg)
इन्डियन प्रिमियर लिग (आईपीएल) य् वःगु चान्ह्य जूगु कासाय् डिफेन्डिङ च्याम्पियन मुम्बई इन्डियन्सं कोलकाता नाइट राइडर्सयात ८ विकेट त्याकूगु दु।
अबुधाबीइ जूगु उगु कासाय् कोलकाता मुम्बईयात बिःगु १४९ रनया लक्ष्य न्ह्यब्बःगु खः। मुम्बई न उगु लक्ष्य १६.५ ओभरय् निगु विकेट गुमे याना पूरा याःगु खः।
मुम्बईया लागि क्विन्टन डि ककं नटआउट ७८ रन दयेकुगु खः। अथेहे रोहित शर्मा ३५, सूर्यकुमार यादव १० व हार्दिक पाण्ड्या न २१ रन नटआउट जूगु खः। बलिङपाखे वरुण चक्रवर्ती व शिवम माभीं छगु छगु विकेट काःगु खः।
जायद स्टेडियमय् टस त्याका न्हापा ब्याटिङ यासे कोलकातां निर्धारित २० ओभरय् ५ विकेटया क्षतिइ १४८ रन दयेकूगु खः।
कोलकाताया लागि पेट कमन्सिनं नटआउट ५३ रन दयेकूगु खः। दिनेश कार्तिकं कप्तान त्वतूगुलि टिमया नेतृत्वयाम्ह इयान मोर्गानं नटआउट ३९ रन दयेकूगु खः।ओपनर राहुल त्रिपाठी ७ रन, शुभम गिलं २१ रन, नितिश राना ५ रनय् आउट जूगु खः। कप्तानी त्वतूम्ह दिनेश कार्तिक ४ रन व आन्द्रे रसेलं १२ रनय् आउट जूगु खः। बलिङपाखे राहुल चहारं निगु विकेट काःगु खः।
मुम्बई न कोलकातायात ८ विकेट त्याकल
Categorized in कासा