मुम्बई नं चेन्नाईयात १० विकेट त्याकल
लहानान्युज | कौलाथ्व अप्टमी ११४०,कार्तिक ८ शनिवाः
![](https://www.lahananews.com/sites/default/files/Mumbai-Indians_0.jpg)
इन्डियन प्रिमियर लिग (आईपीएल) क्रिकेटय् मुम्बई इन्डियन्स नं चेन्नाई सुपर किंग्सयात १० विकेट त्याकूगु दु।
मुम्बईं १२.२ ओभरय् ११५ रनया लक्ष्य याउक पूरा याःगु खः। मुम्बईया त्याकेकगु लागि इशान किसन ६८ व क्विन्टन डिकक ४६ रनया नटआउट जुगु खः।
थ्व नाप मुम्बई अंक तालिकाय् १४ अंक हया शीर्ष स्थान थ्यःगु दु। महेन्द्रसिंह धोनी नेतृत्वय् चेन्नाई ६ अंक नाप दकलय् च्याःगु थासय् लाना च्वंगु दु।
टस त्याका न्हापा ब्याटिङ यासे चेन्नाई न निर्धारित २० ओभरय् ९ विकेट गुमे याना ११४ रन दय्कूगु खः। साम कुरानं ५२ रन दयेकूगु खःसा मेपिन्स बालाक्क म्हित मफुत।
ओपनर ऋतुराज गायकवाड न्हापागु ओभरय् खाता खोले मयासे हे आउट जूगु खः। वयात ट्रेन्ट बोल्टं एलबीडब्ल्यू धरापय् याःगु खः। मेम्ह ओपनर फाफ डु प्लेसिस न ट्रेन्ट बोल्टं बलय् क्याच आउट जूगु खः। वं १ रन जक दयेकूगु खः।
गायकवाड लिपा क्रिजय् वम्ह अम्बाती रायडु न मेगु ओभरय् आउट जुगु खः। वयात जसप्रित बुमराहया बलय् क्विन्टन डि ककं ल्हातं क्याचआउट जूगु खः। अम्बाती रायडु २ रन जक दयेकूगु खः।
वया लिपा जसप्रित बुमराहं नारायण जगदिशनयात सूर्यकुमार यादवया ल्हातं क्याच आउट जूगु खः। जगदिशन न खाता खाले मयासे पेभिलियनय् लिहा वःगु खः।
कप्तान महेन्द्र सिंह धोनी क्रिजय् वःगु इलय् चेन्नाईया प्यंगु विकेट गुमे याये धुकुगु खः। ट्रेन्ट बोल्टया बलय् जडेजा न क्याच आउट जूगु खः। जडेजा ६ बलय् ७ रन दयेकुगु खः।
धोनीयात राहुल चहरया बलय् क्याचआउट जूगु खः। धोनीं १६ बलय् १६ रन दयेकुगु खः। धोनी आउट जुया ब्याटिङया वःम्ह दीपक चाहर न खाता खाले मयासे आउट जूगु खः। चेन्नाई न गूगु ओभरय् हे न्ह्यःगु विकेट गुमे यासे ४४ रन जक दयेकूगु खः।
शार्दुल ठाकुरं २० बलय् ११ रन दयेका आउट जूगु खः। साम कुरान २० ओभरय् ट्रेन्ट बोल्टया बलय् आउट जूगु खः। वं ४७ बलय् ५२ रन दयेकूगु खः। इमरान ताहिर १३ रन नटआउट जुगु खः।
१८ रन बिया प्यंगु ४ विकेट काःम्ह ट्रेन्ट बोल्ट म्यान अफ द म्याच जूगु खः।
Categorized in कासा