मिस्तय्त आत्मरक्षा तालिम
लहनान्युज | बछलाथ्व नवमी ११३९ (मे १३ २०१९)
येँ महानगरपालिकाय–२० वडाय् च्वंगु न्हापांगु पलाः (नेवाः मिसा पुचः)या ग्वसालय् निन्हुयंकया चेतनामूलक आत्मरक्षा प्राविधिक तालिम वंगु सञ्चरवाः क्वचाल ।
पुचःया नायः शिला साय्मिया सभाध्यक्षताय् जूगु मुँज्याय् तालिमया नितिं ग्वाहालि यानादीम्ह प्रदेश नं. ३या सभासद् जीवन डंगोल मूपाहाँकथं झायादीगु खःसा पूर्व सांसद राज्यलक्ष्मी श्रेष्ठ विशेष पाहाँकथं झायादीगु खः ।
ज्याझ्वलय् मूप्रशिक्षक नेपाल आत्मरक्षा संघ ख्वपया न्वकू पद्मा खयरगोलीलिसें वय्कःयात ग्वाहालि यानादीपिं रोजिना लोहला, जयन्ती श्रेष्ठ व रविन्द्र श्रेष्ठयात मूपाहाँ व विशेष पाहाँपाखें
सुभाय् पौ लःल्हाःगु खः ।
ज्याझ्वलय्शान्ति निकुञ्ज माध्यामिक विद्यालयया प्रधानाध्यापक राधेश्याम प्रधान, प्रीशक्षार्थीपाखें कमलतारा तुलाधरं आत्मरक्षा तालिमया आवश्यकता व उपयोगितायात कयाः थःथःगु नुगःखँ तयादीगु खः ।
