मनमोहन अस्पतालया ब्लड बैंक उलेज्या
नृपेन्द्रलाल श्रेष्ठ | चौलागा सप्तमी ११३९ (अप्रिल २६ २०१९)
मनमोहन मेमोरियल शिक्षण अस्पतालय् थौं पुलाम्ह मनमोहन अधिकारीया २० क्वःगु स्मृति दिवसया झ्वलय् ब्लड बैंक उलेज्या नाप हिदान ज्याझ्वः जुगु दु ।
थौं छगु ज्याझ्वःया दथुइ स्वास्थ्य राज्यमन्त्री डा.सुरेन्द्रकुमार यादवं ब्लड बैंक उलेज्या यानादीगु दु ।
उगु ज्याझ्वःया शिक्षण अस्पतालया नायः राजेन्द्र पाण्डेया सभाधक्ष्यताय् जुगु उगु ज्याझ्वलय् स्वास्थ्य राज्यमन्त्री डा यादव, डा.बंशिधर मिश्रं नुँगः खँ तयादीगु खः ।
थौं मनमोहन मेमोरियल शिक्षण अस्पतालय् जुगु हिदान ज्याझ्वलय् स्वास्थ्य राज्यमन्त्री डा.सुरेन्द्रकुमार यादव न हिदान यानादीगु खः ।
मन्त्री यादव लगायत १८० म्ह मल्याक स्वास्थ्यकःमि पिन्स न हिदान यानादीगु खः ।
