मधेसया जिल्लाय् सुथंनिसें प्रदर्शन
लहनान्यूज | चिल्लाथ्व दशमि ११३७ (मार्च ७ २०१७)
सप्तरी घटनाया विरोधय् मधेसी मोर्चां आव्हान याःगु बन्दया झ्वलय् मधेसया थीथी जिल्लाय् थौं सुथंनिसें प्रदर्शन जुयाच्वंगु दु ।
म्हिगः सोमबाः प्रहरीं कयेकूगु गोलिं लानाः प्यम्ह प्रदर्शनकारी सीगुया विरोधय् सप्तरी, धनुषा लिसेंया जिल्लाय् प्रदर्शन जुयाच्वंगु खः । स्थितियात भड्के जुइके मबीत धकाः तःधंगु ल्याखय् सुरक्षाकःमि परिचालन याःगु दु ।
मोर्चां मंगलबार व बुधबाः निन्हुया लागिं आह्वान याःगु बन्दया हुनिं मधेसया आपाःथे जिल्लाय् सवारीसाधान ठप्प दु । बजाः पसः लिसें शैक्षिक संस्थात नं बन्द दु ।
एमालें न्ह्याकूगु मेची÷महाकाली अभियानया सभाय् मधेसी मोर्चां विरोध क्यनेगु झ्वलय् सोमबाः सप्तरीइ प्रहरीं कयेकूगु गोलिं लानाः प्यम्ह सीगु खः ।
Categorized in राष्ट्रिय
