मदुम्ह धर्मरत्न यमिया सफू उलेज्या
नृपेन्द्रलाल श्रेष्ठ | चिल्लाथ्व चौथी ११३८ (फ्रेअवरी १९ २०१८)
थौं धर्म हिरा मेमोरियल एकेदमिया ग्वसालय् मदुम्ह धर्मरत्न यमिया सफू ‘REPLY FROM TIBET’ छगु ज्याझ्वः दथुय बिमोचन जुगु दु ।
थौं उगु ज्याझ्वलय् डा. केशबमान शाक्य, सुप्रिया मानन्धर, अभि सुवेदी व धर्म हिरा मेमोरियल एकेदमिया नायः तिमिला रंजित मंकाः कथं उलेज्या यानादीगु खः ।
उगु सफूया बारें मदुम्ह धर्मरत्न यमिया जिलाजं नया शक्ति पार्टीया नायः नाप पुलाम्ह प्रधानमन्त्री डा. बाबुराम भट्टराई, सस्कृतिबिद सत्यमोहन जोशी, डा. केशबमान शाक्य, सुप्रिया मानन्धर, अभि सुवेदीं थःथःगु नुँगः खँ तयादीगु खः ।
एकेदमिया नायः तिमिला रंजितया सभाधक्ष्य जुगु उगु ज्याझ्वलय् सरिता शाही व रत्नशोभा महर्जन छपू म्ये हाला न्यकादीगु खः ।