मतः व इन्टरनेटय् महसुलय् २५ प्रतिशत छ्यापः
लहनान्युज | बछलाथ्व सप्तमी ११४०, बैसाख १८ बिहिवाः
इन्टरनेट व मतःया महसुलय् २५ प्रतिशत छुट बिइगु निर्णययात वैशाख महिनाय् न निरन्तरता बिइ त्यःगु दु । सरकारं १४ गते वैशाखया मन्त्रीपरिषदया निर्णययात निरन्तरता बिइगु निर्णय याःगु दु ।
अय्न, इन्टरनेटय् अज्यागु छुट बिइ मफगु निर्णयया अडान कया वयाच्वंगु खः । नेपाल दूरसञ्चार प्राधिकरणं लकडाउन इलय् इन्टरनेट तथा डाटा प्याकेजय् २५ प्रतिशत छुटयात निरन्तरता बिइगु अर्थ मन्त्रालयं प्रस्ताव तःगु खः । निजी सेवा प्रदायकपिन्स तक उगु व्यवस्था मिले याये मालिगु जुगु दु ।
नेपाल विद्यूत प्राधिकरणं लच्छिइ १५० यूनिट तक विद्यूत खपत याइपिनिगु ग्राहक तयेगु ग्राहकपिनिगु विद्यूत महसुलय् २५ प्रतिशत छुट बिइगु ज्याया सरकार निरन्तरता बिइगु निर्णय याःगु दु ।
लच्छिइ २५० यूनिट तक विद्यूत महसुल खपत याइपि ग्राहकयात लकडाउनया इलय् विद्यूत महसुलय् १५ प्रतिशत छुट बिइगु निर्णय तक याःगु दु ।
लकडाउनया इलय् बन्द जुया च्वंगु उद्योगया डिमाण्ड शूल्क छुट वा सहुलियत बिइगु विषयय् नेपाल विद्युत प्राधिकरणं माःगु व्यवस्था मिले यायेगु निर्णय सरकार याःगु दु ।
असारतक जरिवाना लगे मजिइगु
मतः, लः, टेलिफोन तथा इन्टरनेटं फागुन निसे जेठ तक महसुल भुक्तानी २०७७ असार मसान्त तक बुझे मयात धाःसा जरिवाना तथा अतिरिक्त शूल्क छुट यायेगु व्यवस्था मिले यायेगु निर्णय याःगु दु ।
