मण्डलाय् जुगु धरपकडया नैतिक जिम्मेवारी सरकारं काइ: गृहमन्त्री बादल
लहनान्युज | बछलाथ्व नवमी ११३९ (जुन ११ २०१९)
![](https://www.lahananews.com/sites/default/files/badal.jpg)
गृहमन्त्री राम बहादुर थापा बादलं आइतवाः माइतीघर मण्डलाय् जुगु धरपकडया नैतिक जिम्मेवारी सरकारं कायगु धका धयादिगु दु।
प्रतिनिधिसभा बैठकय् सम्बोधन यानादिसे गृहमन्त्री बादलं शान्तिपूर्ण रुपय् प्रदर्शन याये दइगु नागरिकया अधिकार रक्षा यायेत सरकार प्रतिवद्ध दु धका न धयादिगु दु ।
गुठी विधेयकया विरोधय् आइतवाः जुगु प्रदर्शनय् प्रहरीें लःया फोहरा क्ययेका धरपकड याःगु खः ।
गृहमन्त्रीया जवाफ लिपा कांग्रेस प्रमुख सचेतक बालृकष्ण खाँडं चउरय् च्वनाच्वपि नाप प्रहरी ज्वने धुका न लाकमं थ्वाःगुया नैतिक जिम्मेवारी कायेम्वाल धका न्यःगु लिसलय उगु लिसः बिगु खः ।
अथेहे सत्तारुढ समाजवादी पार्टीया सांसद राजेन्द्र श्रेष्ठं प्रहरीं अनावश्यक बल छ्यला छ्यने छाय् प्यकुगु धका न्ह्यसm तयादिगु खः ।
उगु लिसलय् गृहमन्त्री बादलं घटनाया नैतिक जिम्मेवारी काइ धयादिसे उकिगु छानविन महानरीय प्रहरीं यानाच्वंग धका न धयादिगु खः ।