मचा चिनाखँ ब्वनेज्या व सहलह मुँज्या जुल
लहनान्युज | चिल्लागा तृतिया ११३८ (मार्च ४ २०१८)
![](https://www.lahananews.com/sites/default/files/Macha%20Chinakhan%203-3.jpg)
नेवाः देय् दबूया भाषा, साहित्य व संस्कृति कवः, नेवाः स्यनामि दबू व नेवाः वस्ती नेवाः स्कूल अभियानया मंकाः ग्वसालय् लोककवि राजभाइ जकःमिया मचा चिनाखँ ब्वनेज्या व सहलह मुँज्या येँया जगतसुन्दर ब्वनेकुथि लखुतीर्थय् जूगु दु ।
उगु ज्याझ्वलय् मूपाहाँ कथं जनकबि दुर्गालाल श्रेष्ठ झायादीगु खः । च्वमि जकःमिं थ्यंमथ्यं ४० पु चिनाखँ ब्वनाः न्यंकादीगु खः ।
![](http://www.lahananews.com/sites/default/files/pictures/Rajbhai.jpg)
ज्याझ्वलय् विशेषपाहाँ कथं नेवाः देय दबूया नायः नरेश ताम्राकार, पाहाँ कथं नेवाः स्कुल नेवाः वस्तीया सह संयोजक नविन थेच्वमिं, नेवाः स्यनामि दबूया काय बहादुर नेपाली ब्यञ्जनकार, जगतसुन्दर ब्वनेकुथिया प्रिन्सिपल सुनिता मानन्धर, साहित्यकार मोहन दुवाल लगायतपिं झायादीगु खःसा ज्याझ्वः पवित्र कसाः नं न्ह्याकादीगु खः ।
ज्याझ्लय् जगतसुन्दर ब्वनेकुथि वकिलाघः सांस्कृतिक पुचः पाखें हुलाप्याखंत न्ह्यब्वःगु व रिता महर्जन पाखें म्य न्ह्यव्वयादीगु खः ।
बुखँ नेवाः सुचना केन्द्र
किपा राजेन्द्र रंजित