मकवानपुरया नेवाः गुथि संगठित
लहनान्युज | तछलागा चर्तुदशी ११३९ (जुलाई १ २०१९)
नेवाः समुदायया खलः, पुचः र गुथितय्गु प्रतिनिधिपिनिगु मुँज्यां नेवाः गुथि खलः नीस्वन ।
प्रदेश नं. ३या सभामुख सानुकुमार श्रेष्ठ मू पाहाँकथं झायादीगु उगु मुँज्यां अनिल खड्गीया अध्यक्षताय् २१म्ह दुजः दुगु तदर्थ समिति नीस्वंगु खः ।
उगु समितिइ विष्णुलाल श्रेष्ठ, रामकुमार मानन्धर व मेनका श्रेष्ठ न्वकूकथं च्वनादीगु दुसा मूछ्याञ्जेय् शुक्रराज जोशी, छ्याञ्जेय् विष्णुकुमारी श्रेष्ठ, दांभरिइ विष्णु श्रेष्ठ व ल्यू दांभरिइ भूवन जोशी च्वनादीगु दु ।
देवप्रसाद श्रेष्ठ, नेवाः साँस्कृतिक पुचः, मकवानपुरया नायः विष्णुगोपाल महर्जन, अधिवक्ता रामकृष्ण देउलालिसेंया ब्यक्तिपिं पाहाँकथं झायादीगु खः ।
