भाषासेवी नातिवज्र वज्राचार्यया मन्त
लहनान्युज | थिंलागा त्रयोदशी ११३९ (जनवरी ३ २०१९)
![](https://www.lahananews.com/sites/default/files/49701195_2293823417295017_7631098098244124672_n.jpg)
साहित्यकार लिसें भाषासेवी नातिवज्र वज्राचार्यया म्हिगः बहनि ८.३० बजेय् बीर अस्पतालय् मन्त ।
मदुम्ह भाषासेवी नातिवज्र म्हिगः बहनिं ११ बजेय् वयकःया हे छेँय् भोताहिति दगुबहालय् हःगु खः ।
थौं बिहिवाः ११ ताः इलय् अन्तिम संस्कार याइगु जुगु दु । थौं अन्तिम दर्शानार्थ सुथय् ८ बजे निसें ११ बजेय् तक दगुबहालय् तइगु जुगु दु ।
थौं हे मदुम्ह बजाचार्ययात दाहासंस्कार यायेत शोभा भगवती यंकिगु जुगु दु ।
पुस ७ गते आकाझाकां म्हं मफयाः उपचारया निंतिं वय्कःयात वीर अस्पताल यंकूगु खः ।
येँया भोताहितिइ विसं २०२२ सालंनिसें नेपालभाषाया सफूधुकू नामं पसः तयाः भाषासेवा याना च्वनादीगु खः ।
मदुम्ह नातिवज्र नांजाःम्ह साहित्यकार नं खः । मदुम्ह बजाचार्यया जहान लिसें छम्ह काय् व छम्ह म्ह्याय् दु ।