भारतय् कोरोना संक्रमित १० लाख स्वया अप्वल
लहनान्युज | दिल्लागा द्धादशी ११४०,श्रावण २ शुक्रवाः
![](https://www.lahananews.com/sites/default/files/AMI_2.jpg)
भारतय् कोरोना भाइरस (कोभिड(१९) पाखे संक्रमितपि १० लाख स्वया अप्वःगु दु ।
वःगु २४ घण्टाय् जक भारतय् कोरोना भाइरसं ३४९५६म्ह न्हुपि संक्रमितपि पिहावःगु दु । भारतय् छन्हु हे कोरोना भाइरसं आ तक दकलय् अप्व संक्रमितपि पिहा वःगु खः ।
भारतय् निरन्तर कोरोना भाइरसं छन्हु हे अप्व जुया वना च्वंगु रेकर्ड दयेका वया च्वंगु दु । आः तक हलियकं अमेरिका, ब्राजिल व भारतय् जक कोरोना भाइरसं १० लाख स्वया अप्व संक्रमितपि पिहा वयाच्वंगु दु ।
भारतय् कोरोना भाइरसं सीपिनिगुल्या २५ द्धः थ्यःगु दु । आः तक भारतय् कोरोना भाइरसया कारण २५ द्धः व ६०२ म्ह सीगु दु ।
भारतय् आः तक कोरोना भाइरसं ६ लाख ३५७५७म्ह संक्रमित डिस्चार्ज जुया छेँय् लिहा वने धुकुगु दु ।