बार्सिलोनां फेरेन्कभारोसयात ३–० गोलं त्याकल
लहानान्युज | कछलागा तृतीया ११४१, मंसिर १८ बिहीवाः
![](https://www.lahananews.com/sites/default/files/ba_2.jpg)
स्पेनिस क्लब बार्सिलोना च्याम्पियन्स लिग फुटबल अन्तर्गत समूह चरणया न्याःगु कासाय् याउक त्याःगु दु। म्हिगः चान्ह्य जुगु कासाय् बार्सिलोनां फेरेन्कभारोसयात ३–० गोल त्याकुगु खः।
फेरेन्कभारोसया घरेलु मैदानय् जुगु कासाय् बार्सिलोनायात त्याकेगु लागि एन्टोनि ग्रिजम्यान, मार्टिन ब्रेथवेट व ओसमान डेम्बेले न छगु छगु गोल याःगु खः। कासाया १४ गु मिनेटय् ग्रिजम्यान न गोल यासे अग्रता काःगु खः। ब्रेथवेट २० गु मिनेटय् गोल यासे अग्रता दोब्बर याःगु खःसा २८ गु मिनेटय् डेम्बेले न मेगु गोल यासे बार्सिलोनायात ३–० गोलं याउक त्याकूगु खः ।
थुगु कासा लिपा बार्सिलोनां लिगया न्यागु कासाय् १५ अंक जोडे याये धुकुगु दु । बार्सिलोना अपराजित जुया लिगया शीर्ष स्थानय् दु ।
Categorized in कासा