फिफा विश्वकप छनोट अन्तर्गत ब्राजिलया सानदार जित
कौलाथ्व दशमी, ११४१, शुक्रबाः
![](https://www.lahananews.com/sites/default/files/brazil_0.jpg)
फिफा विश्वकप छनोट अन्तर्गत दक्षिण अमेरिकी छनोटय् ब्राजिलं सानदार जित चूलाकुगु दु ।
थौं सुथय् जूगु कासाय् ब्राजिलं उरुग्वेयात ४गू–१गूया गोल अन्तरया सानदार जित चूलाकुगु खः । ब्राजिल त्यागुलिइ राफिन्हां निगू गोल याःगु खः । अथेहे नेयमार व ग्राबियल बार्बोसां छगू छगू गोल याःगु खः ।
उरुग्वेया लुइस सुआरेजं छगू हपाः गोल याःगु खः । कासाया १०गूगु मिनेटय् नेयमारं गोल याना ब्राजिलयात सुरुवाती अग्रता बिउगु खः । वयेकया थ्व ब्राजिलया नितिं ७०गूगु गोल खः । कासाया १८गूगु मिनेटय् राफिन्हां गोल याना ब्राजिलयात २गू–०या गोल अन्तरं अग्रता बिउगु खः ।
५८गूगु मिनेटय् राफिन्हां व्यक्तिगत निगूगु गोल याना ब्राजिलयात ३गू–०या अग्रता चूलाकुगु खः । कासाया ७७गूगु मिनेटय् सुआरेजं गोल याना उरुग्वेयात ३गू–१गूया स्थितिइ हःगु खः । अनलिं कासाया ८३गूगु मिेनेटय् बार्बोसां गोल याना ब्राजिलयात ४गू–१गू या जित चूलाकुगु खः । कासा त्यागुलिसें ब्र्राजिलं ११गू कासाय् ३१गू ल्याः मुंकुगु दु ।
अपराजित दूगु ब्राजिल शीर्ष थासय् यथावत दु । उरुग्वे १६गू ल्याः मुना ५गूगु थासय् दु ।
Categorized in कासा