फिफाया न्हूगु वरीयताय् नेपाः अथेस्तुं
ञंलाथ्व एकादशी ११४१, असोज १ शुक्रवाः
![](https://www.lahananews.com/sites/default/files/111_5.jpg)
विश्व फुटबलया सर्वोच्च निकाय फिफां थौं सार्वजनिक याःगु न्हूगु वरीयताय् नेपाः अथेस्तुं दु ।
नेपाः थ्वया न्ह्यः थें सच्छि व ६८गूगु थासय् हे कायम दूगु खः । नेपालं थौै कन्हय् भारतलिसे निगू मैत्रीपूर्ण कासा म्हितुगु खः । नेपालं न्हापांगु कासा धाःसा १गू–१गू गोलया ज्वलिन्ज्वःलय् म्हितुगु खः । निगूगु मैत्रीपूर्ण कासाय् भारतं नेपाःयात २गु–१गु लिं बुकुगु खः ।
नेपाल दक्षिण एसियाली राष्ट्रको वरीयताय् ३गूगु थासय् दु । नेपाः सिवें न्ह्यः भारत व माल्दिभ्स दु । भारत सच्छि व ७गूगु थासय् दु । माल्दिभ्स सच्छि व ५८गूगु थासय् दु । नेपाः सिवें क्वयेय् भुटान, बंगलादेश, श्रीलंका व पाकिस्तान दु ।
बंगलादेश सच्छि व ८९गूगु, भुटान सच्छि व ८७गूगु, पाकिस्तान सच्छि व ९८गूगु अले श्रीलंका २सः व ५गूगु थासय् दु । न्हूगु वरीयताया शीर्ष थासय् बेल्जियम यथावत दुसा ब्राजिल निगूगु, ३गूगु इंग्ल्यान्ड, ४गूगुलिइ फ्रान्स व ५गूगुलिइ इटाली दु् । न्हूगु वरियताय् इंग्ल्यान्ड ३गूगु थासय् थ्यंगु खः ।
अर्जेन्टिना ६गूगुं, पोर्चुगल ७गूगु, स्पेन ८गूगु, मेक्सिको ९गूगु व डेनमार्क १०गूगु थासय् दु ।
Categorized in कासा