फिफाया धलखय् नेपाल यथावत
कछलागा पारु ११४१,जेष्ठ १३ बिहीवाः
![](https://www.lahananews.com/sites/default/files/fifa%20nepal.jpg)
विश्व फुटबलया सर्वोच्च निकाय फिफाया धलःखय् नेपाल पुलाँगु हे थासय् लाःगु दु ।
फिफां थांै सार्वजनिक याःगु न्हूगु धलखय् नेपाः ९६७.८८ ल्यालिसें सच्छि व ७१गू थासय् हे लाःगु खः । वंगु लाय् नं नेपाल सच्छि व ७१गू थासय् हे लाःगु खः । नेपालं वंगु चैतय् घरेलु मैदानय् त्रिदेशीय फुटबल म्हितुसें बंगलादेशया बुकका उपाधि त्याकूगु खः ।
विश्वकप व एसिया कप ल्यज्या लागि तयारी यानाच्वंगु नेपाल शनिबार इराकलिसें मैत्रीपूर्ण कासा म्हिति । थ्वः कासाया लागि म्हिगः हे नेपाली टिम इराक थ्यनेधुंकूगु दु ।
थ्वः कासा लिपा विश्वकप ल्यज्याय् म्हिते ल्यंदनिगु देये जोर्डन, चाइनिज ताइपेइ व अष्ट्रेलियालिसेया कासाय् नेपाःयात अपुइगु अनुमान याःगु दु । फिफा वरियताय् बेल्जियम न्हापांग्ु थासय् लानाच्वंगु दु धाःसा फ्रान्स निगूगु व ब्राजिल स्वंगुगु थासय् दु ।
दक्षिण एसियाय् भारत न्हापांगु थासय्, माल्दिभ्स निगूगु व नेपाल स्वंगूगु थासय् लानाच्वंगु दु ।