विकसित लिपाःगु राजनीतिक घटनायात कया प्रधानमन्त्री केपी ओलीं थौं देशवासीया नामय् सम्बोधन याये त्यःगु दु।

संसद् विघटन व न्हुगु निर्वाचनबारे प्रधानमन्त्री ओलीें सम्बोधन यायेत्यःगु धका सचिवालयं धाःगु दु। सम्बोधन नेपाल टेलिभिजन व रेडियोपाखे न्हिनय् ३ बजे प्रसारण जुइ त्यःगु खः।

प्रधानमन्त्री ओलीया सिफारिसय् आइतवाः राष्ट्रपति विद्या भण्डारीं प्रतिनिधिसभा विघटन यासे वइगु  वैशाखय् निगु चरणय् निर्वाचन तिथि क्वछिगु खः।

थ्व हे दथुइ सोमवाः प्रधानमन्त्री निवास बालुवाटारय् थः समर्थित सांसदपिन्त सम्बोधन यासे प्रधानमन्त्री व नेकपा अध्यक्ष केपी शर्मा ओलीं थीथी बहानाय् सरकारयात झुले यायेगु ज्या जुगुनि ताजा जनादेश कायेत न्हुगु निर्वाचनय् वने माःगु धका धाःगु दु।

Categorized in राष्ट्रिय