प्रधानमन्त्री ओलीं थौं संसदय् सम्बोधन याइगु
लहनान्युज | तछलागा पञ्चमी ११४०,जेठ २८ बुधवाः
![](https://www.lahananews.com/sites/default/files/Kp-oli-by-Elite.jpg)
प्रधानमन्त्री केपी शर्मा ओली थौं संसदय् सम्बोधन याइगु ज्याझ्वः दु ।
प्रधानमन्त्री ओलीं थौं संसदय् बैठक थौं सुथसिया ११ बजे न्वः वाइगु ज्याझ्वः तया तःगु दु ।
थौं प्रधानमन्त्री ओलीं सांसदपिनिगु न्ह्यसःया लिसः नाप थीथी विषययात कया सम्बोधन याइगु ज्याझ्वः दु ।
संसद सचिवालयया बुधवाः सम्भावित कार्यसूचीइ प्रधानमन्त्री कार्यालय, राष्ट्रिय योजना आयोग, राष्ट्रपति कार्यालय, उपराष्ट्रपति कार्यालयया थीथी शीर्षकय् छलफल जूगु न्ह्यसःया लिसः बिःगु धका धाःगु दु ।
संसदय् विनियोजन विधेयक २०७७ अन्तर्गत थीथी मन्त्रालयय् थीथी शीर्षकय् २६म्ह सांसदपिन्स तःगु खर्च कटौतीया प्रस्ताव तक निर्णयार्थ प्रस्तुत यायेगु कार्यसूची दु ।
वया लिपा विनियोजन विधेयक निर्णयार्थ प्रस्तुत याना पारित याइगु सम्भावित कार्यसूचीइ दु ।