पीसीआर शुल्क अप्वो कापिं निगु अस्पतालयात कारवाही
लहानान्युज | थिंलाथ्व द्धितीया ११४१, पुस १ गते
नेपाल सरकारं क्वछिगु स्वया अप्वो पीसीआर शुल्क कापिं भरतपुरया क्यान्सर अस्पताल व चितवन मेडिकल कलेजयात जिल्ला प्रशासन कार्यालय न कारबाही याःगु दु।
नेपाल सरकारं पीसीआर यायेत निद्धः शुल्क तोके यागुसा अटेरी जुया अप्वो शुल्क कागुलि प्रशासनय् थुगु निगु अस्पताल विरुद्ध गुनासो दर्ता जुगु खः।
प्रमाण नाप गुनासो वयेवं प्रारम्भिक अनुसन्धानया झ्वलय् दोषी खने दुगुलि प्रशासन कार्यालय नं बिपी कोइराला मेमोरियल क्यान्सर अस्पताल व चितवन मेडिकल कलेजया सञ्चालकपिन्त बयान काःगु दु।
प्रशासनं निगु वाः न्ह्यने चितवन मेडिकल कलेजका सञ्चालकपिन्त बयान काःगु खः। सहायक प्रमुख जिल्ला अधिकारी शर्मा नं उमित १८ लाख धरौटी कया तारेखय् त्वतूगु खः।
थुगु निगु अस्पतालं सरकारं क्वछिना तःगु स्वया न्यासः शुल्क कया कोभिड–१९ या पीसीआर परीक्षण याकाच्वंगु गुनासो प्रशासन कार्यालयय् दर्ता जुइवं अनुसन्धान शुरु याःगु खः।
उमित कालोबजारी व छू सामाजिक अपराध व सजाय ऐन, २०३२ कथं मुद्दा दर्ता याना कारबाही शुरू याःगु खः । बयानया झ्वलय् निगु अस्पतालया सञ्चालकपिन्स अप्वो शुल्क कयागु स्वीकार याःगु धका प्रशासनं धाःगु दु।
Categorized in राष्ट्रिय
