पीएसजीया प्रशिक्षक थोमस टुचेलयात बर्खास्त
लहनान्युज | थिंलाथ्व एकादशी ११४० पुस १० शुक्रवाः
![](https://www.lahananews.com/sites/default/files/psg.jpeg)
पेरिस सेन्ट जर्मेन (पीएसजी) या प्रशिक्षक थोमस टुचेलयात बर्खास्त याःगु दु। क्लबया निर्देशक लियोनार्दो न प्रशिक्षक टुचेलयात बर्खास्त याःगु खः।
पीएसजीयात लगातार निकः तक लिग त्याकूम्ह टुचेल व क्लबया निर्देशक लियोनार्दो दथुइ लिपागु इलय् खटपट जूग खः।
जर्मन प्रशिक्षक टुचेल सन् २०१८ मे निसे पीएसजीया प्रशिक्षक जुया च्वम्ह खः। टुचेलया बर्खास्ती नाप पीएसजीया न्हुम्ह प्रशिक्षक सू जुइ धका अड्कलबाजी सुरु जुयाच्वंगु दु।
पीएसजीया प्रशिक्षक जुइगु लागि टोटनह्यामया पूर्व प्रशिक्षक माउरिसियो पोचेटिनो व एसी मिलान नाप युभेन्टसयात लिग त्याकूम्ह मासिमिलानो एलेग्री चर्चाया नां न वयाच्व.गु दु ।
अर्जेन्टिनी नागरिक पोचेटिनो पीएसजीया प्रशिक्षक जुइगु यक्को सम्भावना जुयाच्वंगु दु।
Categorized in कासा