पारा ओलम्पिकय् तेक्वान्दो कासामी पलेशा न्हापांगु कासाय् हे बुत
गुंलागा द्धादशी ११४१, भाद्र १८ शुक्रवाः
![](https://www.lahananews.com/sites/default/files/palesaaa.jpg)
जापानया टोकियो न्ह्यानाच्वंगु पारा ओलम्पिकय् नेपाःया तेक्वान्दो कासामी पलेशा गोबद्र्धन न्हापांगु कासाय् हे बुइमाःगु दु ।
पारा तेक्वान्दोया थौं सुथय् जूगु कासाय् मिसा ४४गू केजी विधाय् पलेशा बेलायती कासामी बेथ मुन्रोलिसे बूगु खः । पलेशा २१–८गूलिं कासा बूगु खः । कासाय् पलेशाया झिगूगु व बेथया न्हेगू वरियता खः ।
११म्ह कासामी दथुई जूगु धेँधेँबल्ला जुयाच्वंगु तौल समूहलय् ५म्ह कासामीपिन्सं धाःसा तप्यंक क्वाटरफाइनलय् दुथ्याय्दूगु खः । टोकियो पारा ओलम्पिकय् ब्वति काःम्ह पलेशा नेपाःया छम्ह जक कासामी खः ।
पलेशां थ्वयान्ह्यः एसियन च्याम्पियनसिपय् केँया तक्मा त्याकेत ताःलाःगु खः धाःसा विश्व च्याम्पियनसिय् नं ब्वति काःगु खः ।