पारस खड्कां कप्तानया जिम्मेवारीपाखे राजीनामा
लहनान्युज | कौलागा द्धितिया ११३९ (अक्टुवर १५ २०१९)
![](https://www.lahananews.com/sites/default/files/Paras-Khadka.jpg)
नेपाली राष्ट्रिय क्रिकेट टोलीया कप्तान पारस खड्कां कप्तानया जिम्मेवारीपाखे राजीनामाया घोषणा याउगु दु ।
थौं मंगलवाः छगु विज्ञप्ति पिकाना कप्तान खड्कां थःम्हे नेपाली क्रिकेट टोलीया कप्तानपाखे राजीनामाया घोषणा याउगु खः ।
झीदँ निसे नेपाली राष्ट्रिय टोलीयो कप्तानी याना वयाच्वम्ह खड्कां अन्तराष्ट्रिय क्रिकेट काउन्सिलं नेपाल क्रिकेट संघयात निलम्बन फुकुवा याःगु कन्ह्य कुन्हु हे राजीनामा बिइगु घोषणा याःगु खः ।
पारसया कप्तानीइ नेपालं डिभिजन ५ निसे ३ तक उपाधि त्याकुगु खः । पारसं सन् २०१४ य् नेपालयात न्हापांगु टी(ट्वान्टी विश्वकप म्हितकुगु खः ।
पारसं थःगु कप्तानीइ नेपालयात वान डे मान्यता, पहिलो वान डे सिरिज व टी(ट्वान्टी सिरिज त्याकुगु खः ।
पारसं नेपालयात वान डे व टी(ट्वान्टी निगुलिहे शतक दयेकगुम्हु न्हापांम्ह व याक कासामि खः ।