पशुपति कन्हय निसे खुल्ला
लहानान्युज | थिंलाथ्व पारु ११४१, मंसिर २० मंगलवाः
नौ महिना लिपा पशुपति द्यःया थाय् थौं क्षमा पूजा याना कन्ह्यनिसे चायेके त्यःगु दु।
प्राचीनकालनिसे नियमित कथं भक्तजनपिन्त प्रवेशय् रोके यानातःगु खः। विश्वव्यापी रुपं फैलै जुया वयाच्वंगु कोरोना भाइरस सङ्क्रमणपाखे बचे जुइत क्षमा फ्वना थौं पूजा याये त्यःगु खः।
पशुपति द्यः थाय् स्वास्थ्य सुरक्षाया विधि अपने यासे पुस १ गते बुधवाः निसे चायेके त्यनागु खः धका पशुपति क्षेत्र विकास कोषया सदस्य सचिवं जानकारी बिःगु दु।
न्हापागु चरणय् पुस १ गते निसे द्यःया पश्चिमया लुँखां भक्तजनपिन्त दर्शन याका उगु हे लुँखां लित छ्वयेगु व्यवस्था याःगु दु।
द्यःया थाय् दुहावनेत भक्तजनपिन्स अनिवार्य रुपं मास्क तयेमाः ।
द्यःया थाय् बुधवाःनिसे चालिगु दु सा द्यः थाय् दुने विशेष पूजा, भजन धाःसा तत्काल जुइ मखु।
Categorized in राष्ट्रिय
