पवन जोशीया न्हुगु म्युजिक भिडियो पिहावयेगु तयारी
शोभा श्रेष्ठ | कौलाथ्व द्धादशी ११४०,कार्तिक १२ बुधवाः
![](https://www.lahananews.com/sites/default/files/Rajamati-3.jpg)
लोकलयय् आधारित नेपालभाषा तसकं लोकह्वाःगु म्ये राजमति कुमतिया फिमेल भर्सनय् म्युजिक भिडियो तयार जूगु दु।
न्हुगु पुस्ताया न्हुगु सोच कथं लोकह्वाःम्ह कलाकार नाप निर्देशक पवन जोशीया निर्देशनय् राजमति कुमतिया फिमेल भर्सनया म्युजिक भिडियो तयार जूगु दु।
![](https://www.lahananews.com/sites/default/files/pictures/News-Rajamati-1.jpg)
मोहनिया इलय् नेपाःया ऐतिहासिक थाय् किपूलि उगु म्युजिक भिडियोया छायाँकन जुगु खः।
थुगु राजमति कुमति म्येया म्युजिक भिडियो याकनय् पिहावइगु धका निर्देशक जोशी लहनान्युजयात कनादिगु दु।
थुगु म्येयात अगिना तण्डुकारया सः व अनिल तुलाधरं संगीत संयोजन यानादिगु खःसा छायाँकन व सम्पादन राजेश शाक्यं याःगु खः।
![](https://www.lahananews.com/sites/default/files/pictures/News-Rajamati-5.jpg)
म्युजिक भिडियोलय् दृष्टि जोशी, अगिना तण्डुकार व रोशन शाक्यं अभिनय याःगु खः।
Categorized in मनोरन्जन