पद्मरत्नया साहित्य ख्यः विषयस ज्याझ्वः जुल
गुंलागा नवमी ११३८ ( सेप्तेम्वर ४ २०१८ )
![](https://www.lahananews.com/sites/default/files/s1_2.jpg)
पद्मरत्न नागरिक अभिनन्दन समारोह समितिया इनापय् प्रतिभा समाजया ग्वसालय् थौं भाद्र २० गते बुधवाः येँया प्रदर्शनी मार्ग भृकुटी मण्डपय् च्वंगु नेपाल पर्यटन बोर्डया हलय् ‘साहित्य ख्यलय् पद्मरत्न तुलाधर’ विषयस ज्याझ्वः जुगु दु ।
समारोह समितिया कजी लक्ष्मीदास मानन्धर मूपाँहा जुया झायादीगु उगु ज्याझ्वलय् पाँहा कथं वाङमय शताब्दी पुरुष डा. सत्यमोहन जोशी, नेपालभाषा एकेदमिया चान्सलर चित्तरञ्जन नेपाली, जनकवि दुर्गालाल श्रेष्ठ, नेपालभाष परिषदया नायः प्रा. सुवर्ण शाक्य, प्रा. नर्मदेश्वर मान प्रधान, डा. चुन्दा वज्राचार्य व डा. बज्रराज शाक्य झायादीगु खः ।
![](https://www.lahananews.com/sites/default/files/pictures/s2_2.jpg)
उगु साहित्यक ज्याझ्वलय् व जनकवि दुर्गालाल श्रेष्ठया कविता वाचनयाना न्ह्यागु ज्याझ्वलय् नारद बज्राचार्य, भुषणप्रसाद श्रेष्ठ, कृष्णभक्त बोडे, प्रतिसरा साय्मि हेरारत्न शाक्य, लोककवि राजभाइ जकःमि शौरभ शाक्य, मथुरा साय्मि, सुधिर ख्वबि व शरद कसाःपिन्स थःथःगु साहित्य ब्बना न्यकादीगु खः ।
अथेहे मूपाँहा लक्ष्मीदास मानन्धर, प्रा. सुवर्ण शाक्य, प्रा. नर्मदेश्वर मान प्रधान, डा. चुन्दा वज्राचार्य व डा. बज्रराज शाक्यं पद्मरत्नया साहित्य ख्यःया बिषय कनादीगु खः ।
साहित्य कवःया कजि डा. पुष्पराज राजकिर्णिकारया सभाध्यक्षताय् जुगु उगु ज्याझ्वः रजनी मिल्ला न्ह्याकादीगु खः ।
भिडियो स्वयेत क्वय् क्लिक याना दीस
https://www.facebook.com/lahananews/videos/499521563845621/?t=18
https://www.facebook.com/lahananews/videos/499534423844335/?t=24