पत्रकार आशाकाजी महर्जनया निति ग्वहालि पुचः निस्वन
लहनान्युज | कौलागा तृतिया ११३८ ( अक्टुवर २७ २०१८ )
नीन्यादँ निसें पत्रकारिता ख्यलय् योगदान याना वया च्वनादीम्ह फोटो पत्रकार आशाकाजी महर्जनयात जलास्येँ ल्वचं कया उसाँय मदया च्वंगु दु ।
उगु वासः यायेत न्हि द्धःछि मयाक वासः खर्च माला च्वंगु दु । छु न्हि जक हाकन मिखाय् न समस्या वःगु दु ।
वासः यायेत ग्वाहलि यायेगु निति नेवाः पत्रकार राष्ट्रिय दबुया सचिवालय् छगु मुज्याँ यासें दबुया न्वकु नृपेन्द्रलाल श्रेष्ठया कजिसुइ सुनिल महर्जन, केके मानन्धर, सुरेन्द्रभत्त श्रेष्ठ व रचना श्रेष्ठया छगु कमिति निस्वगु दु ।
वय्कलं गोरखापत्र न्हिपौ, कान्तिपुर, समाचार–पत्रनिसें नेपालभासं पिथनीगु नांजाःगु पत्रिका विश्वभूमि व न्हूगु विश्वभूमिइ न ज्या यानादीधुंकूगु दु ।
येँ महानगरपालिका वडा नं १३ बाफल चखुमार्गय् च्वनीम्ह पत्रकार महर्जन विश्वभुमि निसें गोरखापत्र न्हिपौ, कान्तिपुर, नेपाल समाचारपत्र व कमाण्डर पोष्टय् ज्या यानादीं धुकुगु खः ।
वय्कःया स्वास्थ्य उपचारया नितिं आर्थिक संकलन यायेत बैंकय् खाता चायेकेगु प्रक्रिया तकं न्ह्यज्याकूगु दु ।
स्वापू नितिं नृपेन्द्रलाल श्रेष्ठ ९८५१०९८०९५, श्रीकृष्ण महर्जन ९८४१७५२५८३ व केके मानन्धर ९८५१०८६५६३
Categorized in राष्ट्रिय
