पत्रकार आचार संहिता बारे छलफल
नृपेन्द्रलाल श्रेष्ठ | गुंलाथ्व द्धादशी ११३८ ( अगष्ट २३ २०१८ )
![](https://www.lahananews.com/sites/default/files/39943586_505056216573616_2439028411759329280_n.jpg)
प्रेस काउन्सिल नेपालया ग्वसालय् व नेवाः पत्रकार राष्ट्रिय दबूया संयोजनय् थौं बिहिवाः प्रेस काउन्सिलया मूज्याकुथिया सभाहलय् प्रेस काउन्सिल र पत्रकारवीचको सम्वन्ध र आचारसंहिता बारे छगु ज्याझ्वः जुगु दु ।
काउन्सिलया मुख्य अधिकृत झविन्द्र भुषालं पत्रकार आचर संहिताया बारेय् काउन्सिलनाप पत्रकार, पत्रकार आचरसंहिता अभिमुखिकरण विषय खँय् कार्यपत्र न्ह्यब्बयादीगु खः ।
![](https://www.lahananews.com/sites/default/files/pictures/39911042_2078218738876377_8236019043312599040_n.jpg)
नेवाः पत्रकार राष्ट्रिय दबूया अध्यक्ष श्रीकृष्ण महर्जनं प्रेस काउन्सिल व पत्रकार दथुइ सम्वन्ध व आचार संहिता बारे थःगु नुँगः खँ तयादीसे पत्रकार दबंू जुइ धका धयादीसे प्रेस काउन्सिल नाप थ थे मेमेगु ज्याझ्वः याना वनीगु जुइ धयादीगु खः ।
प्रेस काउन्सिलया कार्यबहाक अध्यक्ष किशोर श्रेष्ठया अध्यक्षताय् जुगु खःसा लसकुस काउन्सिलया दुजःसुभेक्षा विन्दु यानादीगु खः ।
![](https://www.lahananews.com/sites/default/files/pictures/39945257_2078221928876058_6627426767302819840_n.jpg)
पत्रकार दबूया महासचिव सुनिल महर्जनं न्ह्याकादीगु उगु ज्याझ्वलय् दबूका केन्द्रीय उपाध्यक्ष नृपेन्द्रलाल श्रेष्ठ, कोषाध्यक्ष सुरेन्द्रभक्त श्रेष्ठ, सचिव केके मानन्धर, केन्द्रीय सदस्य रचना श्रेष्ठ उत्तम श्रेष्ठ लगायत यें, यल व भ्वँत जिल्लाया प्रतिनिधि पिन्सं ब्बति कयादीगु खः ।