न्हुग सतकय् स्मार्ट पार्किङ शुरु
नृपेन्द्रलाल श्रेष्ठ | तछलाथ्व पुन्हि ११३९ (जुन १७ २०१९)
![](https://www.lahananews.com/sites/default/files/manapa.jpg)
न्हुगु सतकया धर्मपथ व बिशालबजार न्ह्यने स्मार्ट पार्किङ् व्यवस्था शुरु याःगु दु ।
धर्मपथय् थौं सुथय् बिशेष ज्याझ्वलय् महानगरया प्रमुख बिद्यासुन्दर शाक्यं पिओयस मेसिनपाखे क्युआर कोडं बिल प्रिन्ट याना सेवा न्ह्याकादिगु खः । महानगरं ब्हिल्स ट्रुली योर्स प्रा. लि. नाप सहकार्य थुगु सेवा शुरु याःगु खः ।
उगु ज्याझ्वलय् मेयर शाक्यं स्थानीय व सरोकारवाला नाप यक्को ई छलफल याना सेवा सञ्चालन न्ह्याकेगु निष्कर्षय् थ्यगु खः धयादिगु खः ।
आःया शुरुइ न्हुगु सतकय् निगु खण्डय् शुरु याना सेवा न्ह्याकुसे आःया लागि प्युखा, खिचापूखु, धर्मपथ, पाको व दरबारमार्ग थासय् ब्यवस्था यानागु धका सूचना प्रविधि संयोजक हरिश अग्रवालं सेवापाखे सहरी पार्किङ् अस्तव्यस्तताया सुधार हयेगु प्रयास यानाःगु धका धयादिगु खः ।
थुगु योजना दक्कों थासय् न्ह्यातकि छक्वलः करीव ८०० गु मोटरसाइकल व ४० गः गाडी पार्किङ् मोवाइपाखे थन पार्किङ् दु अन थासय् बुकिङ् याये फइ ।
थुगु पार्किङ् पाखे मोटरसाइकया लागि छ घौंया २५ तका, मोटोरया लागि छघौंया ८० तका शुल्कया ब्यवस्था याना तःगु दु ।