न्हय्गुलिं हे प्रदेशय् सेनाया पृतनापति ज्याकू पलिस्था जुइ
लहनान्युज | गुंलाथ्व पंचमी ११३७ (जुलाई २८ २०१७)
![](https://www.lahananews.com/sites/default/files/20292772_1591946900855407_1496544511226271031_n_0.jpg)
रक्षामन्त्री भिमसेनदास प्रधानं निर्वाचनयात शान्तिपूर्ण रुपं क्वचायेकेत नेपाली सेनाया भूमिका महत्वपूर्ण दु धयादीगु दु ।
शुक्रबाः येँय् जु गु साक्षात्कार ज्याझ्वलय् रक्षामन्त्री प्रधानं संबिधान कार्यान्वयनया लागि मुख्य निर्वाचन ल्यं हे दनिगु धयादिसें थुकी सेनाया भूमिका महत्वपूर्ण जुइगु धयादील ।
रक्षामन्त्री प्रधानं नेपाली सेनां यानाच्वंगु येँय् निजगढ द्रुतमार्ग दयेकेया लागिं माःगु विष्फोटक पदार्थ भारतं हइगु समेत धयादिगु दु ।
वय्कलं राष्ट्रिय प्रतिरक्षा नीति दयेकेत दयेकूगु कार्यदलया ई निला तंगु नं जानकारी नं बियादिल ।
मन्त्री प्रधानं सरकारं न्हय्गुलिं हे प्रदेशय् नेपाली सेनाया पृतनापति ज्याकू पलिस्था यायेमागु बिचाः नं तया दिगु खः।