नेवाः नखःचखः व संस्कारय् बनस्पति सफू पितब्वज्या
लहनान्युज | तछलागा चर्तुदशी ११३९ (जुलाई १ २०१९)
![](https://www.lahananews.com/sites/default/files/newa%20nakha.jpg)
डा. निर्मला जोशी व प्रा. डा.सुन्दरकृष्ण जोशीया मंकाः कृति ‘नेवाः नखःचखः व संस्कारय् बनस्पति’ छगू ज्याझ्वःया दथुइ नेपालभाषा केन्द्रीय विभाग यलय् पितब्वज्या जूगु दु ।
संस्कृतिया जन्मदाता प्रकृति खः धइगु जानकारी ब्यूसें नेवाः जातिया नखःचखः व संस्कृति, संस्कार प्राकृतिककथं महिना अनुसार दइगु बनस्पतिइ आधारित जूगु मूपाहाँ बनस्पतिविद् प्रा.डा.तीर्थ बहादुर श्रेष्ठं कनादिल ।
सरकारया अव्यवस्थित नीतिया हुनिं नेवाः जातिया थाय्वाय्या नापं भाय् विस्थापित याना यंकाच्वंगु दु । थुकियात इलय् हे माःगु पलाः न्ह्याके मफुत धाःसा न्हनावनीगु तकं संभावना दुगु नेपालभाषा केन्द्रीय विभागया प्रमुख प्रा.डा. ओमकारेश्वर श्रेष्ठं धयादीगु खः ।
उप–प्राध्यापक राजनलाल जोशीं न्ह्याकादीगु उगु ज्याझ्वलय् प्राकृतिक रुपं वासःया रुपय् छ्यलेज्यूगु बनस्पतित नेपालय् हे आपालं दुगु जूगुलिं आः वइगु बृक्षारोपण ज्याझ्वलय् नेपाली पुसा (Nepali Seeds)यात प्राथमिकता बिया वनधाःसा थुकिं भाषा, संस्कृतिया संरक्षण व सम्बद्र्धन जुइगु थुगु सफूया च्वमिपिन्सं जानकारी बियादिल ।
बुखँ नेवाः सुचना केन्द्र किपाः राजेन्द्र रंजित