नेवाः आर्थिक मुद्दाय् ह्याउँनिभाः न्ह्यज्याइगु
लहनान्यूज | तछलागा सप्तमी ११३७ (जुन १७ २०१७)
![](https://www.lahananews.com/sites/default/files/hyau2.jpg)
छगू इलय् नेपालभाषाया साहित्य ख्यलय् सक्रिय जुयाच्वंगु ह्याउँनिभाः नेपालभाषा ग्वाहालि पुचः आः ह्याउँनिभाः पुचःया नामं नेवाः समुदायया आर्थिक मुद्दा ज्वनाः न्ह्यज्याइगु जूगु दु ।
स्वीदँ न्ह्यः नीस्वंगु पुचः हाकनं छकः येँय् मुनाः नेवाः समुदायया समसामयिक मुद्दाय् सक्रिय जुइगु क्वःछ्यूगु खः ।
समसामयिक मुद्दाय् नं विशेष रुपं आर्थिक क्रान्तिया मुद्दाय् केन्द्रित जुइगु उगु मुनां क्वःछ्यूगु खः ।
वर्तमान ईयात लिनाः न्ह्याःवनेगु आज्जु काःगु मुनां खुम्ह दुजःया ज्यासना पुचः नं ल्यःगु दु । ज्यासना पुचलय् राकेश मास्केयात कजि ल्यःगु दु ।
मेपिं न्याम्ह दुजलय् मनरत्न शाक्य, अनुपसिं सुवाल, धीरेन्द्र बहादुर राजभण्डारी, सोहनलाल प्रधान व धनबहादुर महर्जनयात ल्यःगु दु ।
![](http://www.lahananews.com/sites/default/files/pictures/hyau.jpg)