थौं बिहीवाः परिसूचक नेप्से १८.३० अंक (०.८९ प्रतिशत) कुहावया २०३९.५४ अंकय् बन्द जूगु दु। नेप्से कुवावया दक्को उपसूचक न घटे जूगु दु।

मेमेगु उपसूचक २.२ प्रतिशत व वित्त कम्पनी उपसूचक २.०७ प्रतिशतं कुहावंगु दु। अथेहे बजाः लिड याना च्वंगु बैंकिङ उपसूचक न ०.३६ प्रतिशत न कुहावंगु दु। बिहीबाः नेप्सेय् ४२ लाख ३४ हजार ११७ कित्ता सेयर किनबेच जुगुलि १ अर्ब ७१ करोड ७४ लाख ३७ हजारया कारोबार जूगु खः।

उकि मध्ये हिमाल दोलखा हाइड्रोपावरया ११ करोड २४ लाख ६५ हजारया कारोबार जूगुलि रिडी पावरया ९ करोड ४१ लाख २८ हजार व नेष्डो समृद्धि लघुवित्तया ८ करोड ३१ लाख ४० हजारया कारोबार जूगु खः। बिहीबाः बजारय् १८७ कम्पनीया सेयर कारोबार जूगुलि १६८ कम्पनीया सेयर भाः कुहावएगु दु। अथेहे १५ कम्पनीया सेयर भाः थहावंगुलि प्यंगु कम्पनीया सेयर भाः स्थिर जूगु दु।

बिहीबाः कारोबार जूगु मध्ये अपर हेवाखोला जलविद्युत् कम्पनीया सेयर भाः ९.९ प्रतिशतं थहावना सकारात्मक सर्किट भाः जूया बन्द जूगु खः। अथेहे रुरु जलविद्युत् कम्पनीया सेयर भाः ८.९३ प्रतिशतं थहावंगुलि नेष्डो समृद्धि लघुवित्तया सेयर भाः २.०७ प्रतिशतं थहावंगु दु।

मैलुङ खोला जलविद्युत् कम्पनीया सेयर भाः ५.८२ प्रतिशतं कुहावंगु दु सा मल्टिपर्पस फाइनान्सया सेयर भाः ४.२७ प्रतिशत व खानीखोला हाइड्रोपावर कम्पनीया सेयर भाः ४.१८ प्रतिशतं घटे जूगु खः।

Categorized in राष्ट्रिय