नेपाल सम्वत नाप पद्मरत्नयात कया विचाः गोष्ठी
नृपेन्द्रलाल श्रेष्ठ | गुंलागा एकादशी ११३८ ( सैप्तेम्वर ६ २०१८ )
![](https://www.lahananews.com/sites/default/files/ppp1.jpg)
नेपाल सम्वत् व नेपालभाषा आन्दोलनया न्ह्यलुवा , प्रजातान्त्रिक आन्दोलनया नेता, वरिष्ठ मानव अधिकारवादी नेता नाप साहित्यकार पद्मरत्न तुलाधरया नागरिक अभिनन्दन ज्याझ्वलय् अन्तरगत थौं पर्यटन बोर्डय् “नेपाल सम्वत् र पद्मरत्न” विषय विचाः गोष्ठी जुगु दु ।
उगु ज्याझ्वलय् मूपाँहा कथं पूर्व प्रधानमन्त्री बाबुराम भट्टराई न आतक नेपाःया जनतां थी थी आन्दोलनय् सक्रिय जुया नकसा न्ह्यचिला च्वनादीम्ह पद्मरत्न तुलाधरयात झी सकसिया अभिभावक कथं कायेमाःगु धइगु बिचाः तयादील ।
विशेष पाँहा कथं सामान्य प्रशासन मन्त्री लालबाबु पण्डितं पद्मरत्नयात राज्यं हे सम्मान याये बहम्ह खः धयादीसे नेपाःया राजनैतिक ह्युपा हयेगु आन्दोलनय् न्ह्यागु ईल सक्रिय रुपय् नेतृत्व यानाच्वनादी खः धइगु बिचाः तयादील ।
प्रतिष्ठानया अध्यक्ष श्यामकृष्ण मानन्धरया सभाध्यक्षताय् जुगु उगु ज्याझ्वलय् नेवाः न्ह्यलुवापिं मल्ल के. सुन्दर, डा. पुष्पराज राजकर्णिकार, तिर्थराम डंगोल पिन्सं नेपाल सम्वत् व पद्मरत्नया विषयलय् थःपिनिगु बिचाः तयादीगु खः ।