नेपाल न्हापांगु खुसी साफ च्याम्पियनसिप फुटबलया फाइनलय्
कौलाथ्व नवमी ११४१, असोज २८ विहीबाः
![](https://www.lahananews.com/sites/default/files/nepp.jpg)
नेपाल न्हापांगु खुसी साफ च्याम्पियनसिप फुटबलया फाइनलय् दुहांवंगु दु ।
माल्दिभ्सय् न्ह्यानाच्वंगु च्याम्पियनसिप अन्तर्गत लिग चरणया थःगु लिपांगु कासाय् म्हिगः बंगलादेशलिसे १–१ गोलया ज्वलिंज्वः म्हिताः नेपाल फाइनल थ्यंगु खः । कासाया गुंगूगु मिनेटय् हे गोल नयाः ल्यूने लाःगु नेपालं ८८गूगु मिनेटय् पेनाल्टीमार्फत गोल यासें ज्वलिंज्वः यायेत ताःलाःगु खः ।
अञ्जन विष्टं नेपालयात ज्वलिंज्वः गोल बियाः न्हापांगु खुसी फाइनल थ्यंकाब्यूगु खः । न्यागू टोलीया ब्वति दुगु धेंधें बल्लाखय् नेपालं आः उपाधिया लागिं भारतलिसे म्हिती ।
म्हिगः जूगु लिगया लिपांगु कासाय् ग्वसाः खलः देय् माल्दिभ्सयात ३–१ गोलं बुकाः भारतं नेपाललिसेया उपाधि भिडन्त क्वःछ्यूगु खः । फाइनल कासा शनिबाः बहनी नेपाली ई कथं जःछि पाः ९ ताः इलय् न्ह्याइ ।
Categorized in कासा