नेपाल–भारत समन्वय समितिया मुँज्या भारतया पिथौरागढय् क्वचाःगु दु ।

मुँज्याय् निगुलिं देय्या जिल्ला अधिकारीत सीमा क्षेत्रय् जुइफुगु आपराधिक ज्याखँ पनेगु विषयस सहमत जूगु जिल्ला प्रशासन ज्याकू बैतडीया सूचना अधिकारी खगेन्द्र भारतीं जानकारी बियादिल ।

सीमा क्षेत्रय् जुइफुगु मानव बेचबिखन, लागू औषधया कारोबार पनेगु, झुलाघाट हुस्लुं ताँ मर्मत, भारतलिसे स्वाःगु घाटत व्यवस्थित यायेगुलिसेंया बिषयस सहलह जूगु धाःगु दु ।

भारतया पिथौरागढ जिल्लाया जिल्ला अधिकारी डा. आशिष चौहानया पहलय् जूगु मुँज्याय् नेपालं बैतडी व दार्चुलाया प्रमुख जिल्ला अधिकारी, सुरक्षा निकायया प्रमुख व भन्सार प्रमुखतय्गु ब्वति दुगु खः ।

Categorized in राष्ट्रिय