नेपालय् दकलय् अप्वो २७२२ म्ह कोरोना संक्रमण पुष्टि
शोभा श्रेष्ठ | अनलागा १ ११४०,असोज १६ शुक्रवाः
वःगु २४ घन्टाय् नेपालय् थप २ हजार ७२२ म्हेसित कोरोना संक्रमण पुष्टि जूगु दु धका स्वास्थ्य तथा जनसंख्या मन्त्रालयं धाःगु दु ।
मन्त्रालयया नियमित प्रेस ब्रिफिङय् थौं शुक्रवाः प्रवक्ता डा जागेश्वर गौतमया कथं न्हुपि थपे जुपि कोरोनाया संक्रमितपि नाप नेपालय् कोरोना संक्रमितपि आः ८२,४५०म्ह थ्यःगु दु।
अथेहे वःगु २४ घन्टाय् कोरोनामुक्त जूपि ३ हजार ३०७ म्ह डिस्चार्ज जूगु दु। थ्व नाप नेपालय् आःतक कोरोनामुक्त जूपि ६० हजार ६९६ म्ह जुइ धुकुगु दु।
अथेहे वःगु २४ घन्टाय् नेपालय् थप ११ म्ह कोरोना संक्रमणपि सीगु दु धका स्वास्थ्य तथा जनसंख्या मन्त्रालयं धाःगु दु। थ्व नाप नेपालय् कोरोना संक्रमणं सीपि ५२०म्ह थ्यःगु दु।
Categorized in राष्ट्रिय
