नेपालय् थौं ५७ म्हेसत कोरोना
लहनान्युज | बछलागा पंचमी ११४०, बैसाख ३० मंगलवाः
![](https://www.lahananews.com/sites/default/files/Coronavirus4_8.jpg)
नेपालय् छन्हुं हे थौं ५७ म्ह कोरोनाया संक्रमण जूगु दु ।
येँया राष्ट्रिय जनस्वास्थ्य प्रयोगशालाय् थौं याःगु इलय् परीक्षणय् ५७ म्हेसित संक्रमण जूगु पुष्टि जूगु खः ।
थौं संक्रमण जुपि कपिलवस्तुइ ८म्ह, रुपन्देहीइ ९म्ह, बाराय् १म्ह व पर्साय् ३९म्हपि खः ।
संक्रमित जुपि फुक्कं मिजंत खँ धका स्वास्थ्य तथा जनसंख्या मन्त्रालयं धाःगु खः ।
थ्व नापं आतक नेपालय् संक्रमिततय् ल्याः १९१म्ह थ्यंगु दु ।
नेपालय् छन्हुं हे थुलिमछि ल्याखय् संक्रमित जूगु थ्व हे न्हापांगु घटना खः ।
म्हिगः २४ म्हेसित संक्रमण जूगु खः ।