नेपाः युइएलिसे बुत
सिल्लाथ्व एकादशी ११४२, माघ २९ सनिवाः
![](https://www.lahananews.com/sites/default/files/uae_0.jpg)
ओमानय् न्ह्यानाच्वंगु प्यंगू देशीय टी–२० सिरिजया निगूगु कासाय् नेपालं थौं युएईलिसे बूगु दु ।
कासा मस्कटस्थित अल अमरेट क्रिकेट ग्राउण्डय् नेपाली ई कथं जःछि पाः १२ताः इलय् जूगु खः । थौं जूगु कासाय् नेपाःयात ओमानं बिउगु सच्छि व ९२गू रनया हाथ्याय् नेपाल सच्छि व ६७गू रन जक दय्पूmगु खः ।
आईसीसी टी–२० विश्वकप ग्लोबल क्वालिफायर ए या तयारी कथं जुयाच्वंगु सिरिजया न्हापांगु कासाय् नेपालं घरेलु टोली ओमानयात बुकाब्यूगु खः । व हे लय ल्यंकाः कासायात निरन्तरता बीगु हाथ्या पूमवन ।
शुक्रबाः हे क्वःज्यूगु युएई व आयरल्याण्डया कासा प्राविधिक हुनिं जुइमफयाः आइतबाःयात लिछ्याःगु दु । नेपाललिसें प्यंगुलिं टोली ग्लोबल क्वालिफायर म्हितेत्यंगु दु ।
उकिया हे तयारीया रुपं सिरिज म्हिताच्वंगु खः । नेपालं लिपांगु कासा सोमबाः आयरल्याण्डलिसे म्हिती । नेपालं निदँ लिपा यूएईलिसे टी–२० अन्तर्राष्ट्रिय कासा म्हितेत्यंगु खः ।
अष्ट्रेलियाय् वइगु अक्टोबर÷नोभेम्बरय् जुइगु विश्वकपय् दुथ्यायेगु आज्जुलिसें ओमान थ्यंगु नेपाली टोली प्यंगू देशीय सिरिजय् बांलाक म्हिताः ग्लोबल क्वालिफायरया लागिं तयार जुइग्ु आज्जुइ दु ।