नेकपाया सचिवालयय् मुँज्या क्वचाल
लहनान्युज | बछलाथ्व षष्ठी ११४०, बैसाख १७ बुधवाः
![](https://www.lahananews.com/sites/default/files/nekapa-meeting.jpg)
नेपाल कम्युनिष्ट पार्टी (नेकपा)या सचिवालयया थौं बुधवाःया मुँज्या क्वचाःगु दु ।
थौं उगु मुँज्या प्रधानमन्त्री निवास बालुवाटारय् पार्टीया आन्तरिक समस्या लिसें सरकारया नेतृत्व हिलेगु तकंया बारे खँ जूगु खः ।
प्रधानमन्त्री नापं पार्टी अध्यक्ष केपी शर्मा ओली, अध्यक्ष पुष्पकमल दाहाल ‘प्रचण्ड’ नापं वरिष्ठ नेता माधव कुमार नेपालं स्वम्ह नेताया थःथःगु अडान कायेवं थौंया मुँज्यां छुं निर्णय मयासे क्वचाःगु खः ।
थौं च्वंगु सचिवालयया मुँज्याय् सहलह यायेगु विषय मेमेगु न दु नि मेगू मुँज्या वैशाख २० गते च्वनीगु निर्णय याःगु दु । मुँज्याय् आःया अवस्थाया बारे सहलह जूगु जानकारी पार्टी प्रवक्ता नारायणकाजि श्रेष्ठं बियादिल ।