नीलः सहकारीया च्याक्वःगुु साधारण सभा
लहनान्युज | कौलाथ्व तृतिया ११३७ (सेप्तेम्बर २३ २०१७)
![](https://www.lahananews.com/sites/default/files/agm%208th%20kr.jpg)
नीलः बचत तथा ऋण सहकारी संस्था लि.या च्याक्वःगुु वार्षिक साधारण सभा संस्थाया नायः भाजु कृष्णसुन्दर श्रेष्ठया सभापतित्वय् ग्रीन पार्टी प्यालेस जमलय् सम्पन्न जुगु दु ।
उगु सभाय् संस्थाया छ्याञ्जे भाजु माधवरत्न ताम्राकारं लसकुस न्वचु बियादीगु खःसा नायः भाजुया आ.व. २०७३।२०७४ या प्रगति प्रतिवेदन पारित याःगु खः ।
अथेहे आ.व. २०७४।२०७५ या नितिं संचालक समितिपाखें प्रस्तावित लेखा परिक्षक ईश्वर पौडेल(ईश्वर एसोसियट्स) यात स्वीकृत याःगु उगु सभाय् विशेष प्रस्तावकथं संस्था नाफाय् वंगुलिं जगेडा कोष व मेमेगु कोष खडा याना वनेगु व शेयर पू“जी ८० लाख थ्यंकेगु प्रस्ताव सभां पारित याःगु खः ।
अथेहे आ.व. २०७४।२०७५ या नितिं अनुमानित बजेट संस्थाया दा“भरि अनिशमान श्रेष्ठजुं न्ह्यब्वयादीगु सभाय् सल्लाहकार भाजु आनन्दराम ताम्रकारं त्वाःदेवाय् मत च्याका ज्याझ्वः न्ह्याःगु खःसा का.म.पा. २५ वडाया वडा नायः भाजु नीलकाजी शाक्य मूपाह कथं झाया संस्थाया प्रगतिया नितिं भिन्तुना बियादीगु खः ।
उगु ज्याझ्वः अमित महर्जनंं न्ह्याकादीगु खः ।