सरकारं कोभिड–१९ बिरामीया लागि शय्या, आईसीयू, भेन्टिलेटर अभाव जुगु धाःसे निजी अस्पतालयात कोभिड अस्पतालया धलखं लिकाःगु दु।

आः सरकारी अस्पताल व प्रयोगशालाय् जक कोभिडया निःशुल्क उपचार व परीक्षण याइ । निजी अन्तर्गतया मेडिकल कलेजय् धाःसा कोभिडया उपचार जुइ। आःयात सरकारी अस्पतालय् हे कोभिड बिरामीया लागि जनरल बेड, आईसीयू व भेन्टिलेटर पर्याप्त उपलब्ध दुगुलि थप आवश्यक मजुगु निजी अस्पतालपाखे बिःगु निःशुल्क कोभिड उपचार परीक्षण सेवा स्थगन याःगु दु धका स्वास्थ्य मन्त्रालयया सहप्रवक्ता डा. समीरकुमार अधिकारीं धाःगु दु । वयकःया कथं वःगु दिं हाकन आवश्यक खनेदतकि पुनः निजी अस्पतालयात निःशुल्क कोभिड उपचार केन्द्रया रूपय् हिले फइ।

स्वास्थ्य मन्त्रालयं आइतवाः १२ बजे तक कोभिडमा सूचीकृत निजी अस्पताय् भर्ना जूपि झीन्हु तक उपचार याकेगु संक्रमित जूपि जक उपचार बापत ध्यवाया शोधभर्ना यायेगु धका धाःगु दु। ५२ सरकारी व २७ निजी स्वास्थ्य निकायपाखे कोभिडया निःशुल्क उपचार व परीक्षण जुयावया च्वंगु खः। निजी स्वास्थ्य निकाय मध्ये च्याःगु मेडिकल कलेजयात धलखय् हटे याःगु मदुनि।

Categorized in राष्ट्रिय