निगू निर्वाचन छक्वलं याये फइगु अवस्था मदु
लहनान्युज | गुंलाथ्व सप्तमी ११३७ (जुलाई ३० २०१७)
![](https://www.lahananews.com/sites/default/files/aaaaa.jpg)
निर्वाचन आयुक्त डा. अयोधिप्रसाद यादवं निगू निर्वाचन छक्वलं याये फइगु अवस्था मदु धकाः सिंहदरवारय् च्वंगु व्यवस्थापिका संसदया सुशासन तथा अनुगमन समितिया बैठकय् जानकारी बियादीगु खः ।
निर्वाचन आयुक्त डा. यादवंसंविधान, कानुन नापं निर्वाचनया व्यवस्थापकीय व प्राविधक दृष्टिकोणपाखें नं थ्व संभव मदु धकाः धयादिगु खः ।
आयोगलिसे सहलहया झ्वलय् प्रधामन्त्री शेरबहादुर देउवां छन्हुं हे निगू चुनावया यायेगु तयारी सरकार दु धयादिसें उकिया नितिं आयोग नं तयार जुइत इनाप यानादीगु खः ।
अथे हे प्रमुख प्रतिपक्ष दल एमाले नं उकियात कया सकारात्मक जुया वयाच्वंगु खः । निर्वाचन आयोगया प्रमुख यादवं वइगु माघ ७ गते तकया दुने फुक्क तहया निर्वाचन क्वचायेकेगु नितिं सरकारं माःगु फुक्कं प्राविधिक तयारी यायेमाःगु, कानुन नापं निर्वाचनया व्यवस्थजापन व प्राविधिक दृष्टिकोणपाखें निगू हे निर्वाचन छन्हुं हे याये फइमखु धयादीगु खः ।