निःशुल्क खैशिविर
लहनान्युज | अनलाथ्व चर्तुदशी ११३८ ( मे २८ २०१८ )
![](https://www.lahananews.com/sites/default/files/kipa-madu_17_21.jpg)
नेपालक्षयरोग निवारण संस्था, ख्वपं थुगुसी ‘गं ल्वगित मालाः वासः याय्गु’ ज्याझ्वःअन्तर्गत ख्वपया ब्यासीइ च्वंगु बासु माध्यामिक विद्यालयया पुलांगु भवनय् निःशुल्क खै शिविर याःगु दु ।
संस्थाया सभापति राम सिख्वःया सभाध्यक्षताय् जूगु उगु शिविरय् मुक्कं ७५म्हेसिगु खै परीक्षण याःगु खःसा निम्हे सिगु ‘पोजिटिभ’ खनेदुगु खः । राष्ट्रिय क्षयरोग केन्द्रया सहकार्यस न्ह्याःगु गंल्वय् नियन्त्रण अभियानय् आःतक याःगु निःशुल्क खै शिविरय् स्वम्हे सिगु पोजिटिभ लूगु संस्थाया निवर्तमान सभापति बाबुकाजी श्रेष्ठं जानकारी बियादीगु दु ।
सभापति सिख्वः नं गंल्वय् नियन्त्रयण याय्गु अभियानय् विद्यालय स्तरीय व समुदायस निःशुल्क खै शिविर न्ह्याकेगु नितिं संस्थाअलग हे पुचःदय्काः ज्या यानाच्वंगु जानकारी बियादिल ।